Radiologiya nədir?
Radiologiya bədəndəki orqan, toxuma və sistemləri təsvir etmək üçün istifadə olunan tibb sahəsidir. X-şüaları, maqnit rezonans görüntüləmə (MRT) və kompüter tomoqrafiyası (KT) kimi texnologiyalarla radioloqlar xəstəliklərin diaqnostikasında və müalicə planlarının yaradılmasında mühüm rol oynayırlar.
Qabaqcıl görüntüləmə texnologiyaları
Xəstəxanalar ən müasir texnoloji avadanlıqlarla təchiz olunub. 3D tomoqrafiya, rəqəmsal mamoqrafiya və ultrasəs kimi qabaqcıl görüntüləmə texnologiyaları sayəsində radioloqlar xəstəlikləri daha tez və dəqiq diaqnoz edə bilirlər.
Erkən diaqnozun gücü
Radiologiya bir çox xəstəliklərin erkən mərhələlərində diaqnoz qoymağa kömək edə bilər. Erkən diaqnoz müalicə şansını artıra və xəstəliyin inkişafının qarşısını ala bilər. Rentgenoloji müayinələr arasında mamoqrafiya ilə döş xərçəngi skrininqi nümunədir.
Radiologiya və müalicənin planlaşdırılması
Radiologiya əməliyyatdan əvvəl və sonra müalicənin planlaşdırılmasında mühüm rol oynayır. Radiasiya terapiyası və buna bənzər müalicələrdə həkimlər radioloji görüntülərlə hədəf bölgələri təyin edib müalicəni daha dəqiq tətbiq edə bilirlər.
Xəstə yönümlü xidmət yanaşması
Xəstəxanalar yalnız texnoloji mükəmməlliyi deyil, həm də radiologiya xidmətlərində xəstə yönümlü xidmət yanaşmasını mənimsəyir. Rentgenoloqlar xəstələrə aydın məlumatlar təqdim edərək onların müalicə prosesində daha effektiv iştirak etmələrinə şərait yaradır.
Medera Hospitalda mövcud radioloji sahələr:
- Maqnit – rezonans tomoqrafiyası – (GE BRİVO 355 , 1.5 tesla)
- Komputer tomoqrafiyası – ( 16 -detektorlu – 3D rekonstruktiya və virtual endoskopiya)
- Rentgenodiaqnostika – (GE XR 6000 rəqəmsal)
- Angioqrafiya və invaziv radioloji müdaxilələr
- Ultrasəs müayinəsi – (Philips epiq 7, Logic E 9 , Voluson E 8 3 D – 4 D , Portativ Logiq GE Vcan)
*Kompyuter tomoqrafiya
Kompyuter tomoqrafiya x-şüalarından (rentgen şüaları) istifadə edərək insan bədəninin müayinə olunan nahiyyəsinin kəsiksəl görüntüsünü əldə etməyə yönəlmiş müayinə metodudur. Müayinə zamanı xəstə kompyuter tomoqrafiya cihazının içərisində hərəkətsiz uzanır və alınan görüntülər kompyuter ekranında izlənilir. Aparılan müayinənin növündən asılı olaraq xəstəyə qol damarlarından kontrast maddə yeridilə və kontrast maddə içirdilə bilər.
*Maqnit Rezonans cihazımız “(GE BRİVO 355 )” 1,5 Tesla gücündədir. Şöbəmiz bütün MR koillərinə malikdir və bunların yardımı ilə bədənin istənilən hissəsinin keyfiyyətli görüntüsünü əldə etmək mümkündür.
*Kompüter Tomoqrafiya cihazı “ GE BRİGHTSPEED 16 -detektorlu” KT xüsusiyyətində olub, 15-30 saniyə ərzində incə kəsiklərlə görüntü əldə edilməsi və üçfəzalı görüntüləmə özəlliyi sayəsində həkimin qısa zaman ərzində pasientin sağlamlığı barədə ətraflı informasiya eldə etməsinə kömək edir. Xüsusilə üç-fəzalı KT görüntüləri sümüklərdə qırıq və anomaliyaların dəyərləndirilməsində son dərəcə vacib məlumatlar verə bilir.
*Şöbəmizdə mövcud Rentgenoskopiya cihazı rəqəmsal xüsusiyyətlidir. Mədə, nazik və yoğun bağırsaq, böyrək, sidik kisəsi, uşaqlıq və uşaqlıq borularının kontrastlı müayinəsi bu cihaz vasitəsi ilə yerinə yetirilir. Bu cihazdan eyni zamanda öd yollarının görüntülənməsində və müalicə proseduralarında (öd axarlarının drenləşdirilməsi və stent taxılması) istifadə olunur.
*Rentgen-GE angioqrafiya və invaziz müdaxilə kimi diaqnostik müayinələr peşəkar həkimlərimiz tərəfindən yüksək səviyyədə həyata keçirilir.
Şöbələr