Qaraciyər ağrısı ümumi bir vəziyyətdir. Bu səbəbdən qaraciyər ağrısı yaşayan insanlar həkimə müraciət edərək qaraciyər ağrısının səbəbini araşdırırlar. Qaraciyər ağrısı bir çox səbəbə görə inkişaf edə bilər və internetdə ən çox araşdırılan ağrı növlərindən biridir. Qaraciyər ağrısı əslində qarının yuxarı hissəsinin sağ tərəfində hiss olunur. Bu ağrı zamanla arxa hissəyə, sağ çiyinə, qarın nahiyəsinə və ya böyrəyə yayıla bilər. Bu bölgələrdə uzun müddət ağrı hiss edirsinizsə, bu ciddi qaraciyər probleminin əlaməti ola bilər.

Bədənimizin ən böyük və ən çox işləyən orqanlarından biri olan qaraciyər hər gün 500-dən çox müxtəlif funksiyanı yerinə yetirir. Qaraciyərin ən məşhur funksiyalarına qanı təmizləmək və bütün bədəni zərərsizləşdirmək, zülal əmələ gətirən qidaları parçalamaq, vitamin və mineralları saxlamaq daxildir.s

Qaraciyər də vəzi hesab olunur. Çünki onun bir çox funksiyasına öd hasil etmək və ifraz etmək daxildir. Xüsusilə metabolik proseslərdə təcrübəli bir dirijor kimi fəaliyyət göstərən qaraciyər qida ilə bədənimizə daxil olan zülalları, yağları və karbohidratları emal edir. Bütün bu məsuliyyətlər arasında qaraciyər çox dözümlü bir orqandır.

Qaraciyər ağrısının əlamətləri hansılardır?

Qaraciyər problemlərini dərhal hiss etməyə bilərsiniz. Çünki qaraciyər xəstələrinin əksəriyyətində qaraciyər ağrısı və ya hər hansı bir əlamət müşahidə olunmur. Qaraciyər ağrısı yaşamasanız belə, qaraciyərinizin yaxşı vəziyyətdə olduğundan o qədər əmin olmamalı və qaraciyərin sağlamlığı üçün hərəkətə keçməlisiniz. Qaraciyər xəstəliyinin ən çox görülən simptomlarını aşağıdakı kimi sıralamaq olar:

• Yorğunluq hissi
• Baş ağrısı
• Səbəbsiz oynaq və əzələ ağrısı
• Dəridə qaşınma
• Qarın boşluğunda şişlik
• Tünd sidik
• Qəfil çəki artımı
• Sürətli kilo itkisi
• Gözlərin və ya dərinin saralması

Unutmayın ki, qeyri-sağlam qaraciyər aşağıdakılara səbəb ola bilər:

• Zəifləmiş immunitet sistemi
• Öd daşları, iltihab
• Hormon balanssızlığı və PMS
• Zəif metabolizm
• Sürətli çəki artımı
• Zəif konsentrasiya
• Aşağı enerji və yorğunluq

Qaraciyər ağrısına səbəb nədir?

Qaraciyəriniz yağlanmağa başlayanda siz bunu dərhal hiss etməyə bilərsiniz. Sağ qabırğa altında qeyri-müəyyən ağrı, yorğunluq, zəiflik, köp, şişkinlik və s. simptomlarla qarşılaşsanız belə, bunun qaraciyərin yağlanmasından qaynaqlandığını düşünməyə bilərsiniz. Çünki qaraciyər yağlanması da bir çox qaraciyər xəstəlikləri kimi heç bir spesifik əlaməti yoxdur. Ancaq yağlı qaraciyər xəstəliyinin əlamətləri problemin başlanğıc nöqtəsi ola bilər ki, bu da nəticədə serroz və hətta qaraciyər şişinə gətirib çıxara bilər.

İmmunitet sisteminin lazım olduğundan daha zəif olması qaraciyər ağrısını tətikləyən əsas səbəblərdən biridir. İmmunitetimiz azaldıqda bədənimiz ümumiyyətlə xəstəliklərə qarşı dözümsüz  olur. Təbii ki, bütün orqanlar kimi qaraciyər də qarşılaşdığımız xəstəliklərdən birbaşa təsirlənir.

Ani və sürətli çəki artımı da qaraciyəri təsirləndirir. İstifadə etdiyimiz qeyri-sağlam qidalar və ya hərəkətsizlik səbəbilə qaraciyərimiz lazım olduğundan daha çox işləməyə çalışır. Qaraciyərimizin belə yüklənməsi onun yorulmasına və beləliklə də simptomların yaranmasına səbəb olur. Maddələr mübadiləsinin yavaşladığı dövrlərdə qaraciyər ağrısı ilə qarşılaşmaq hallarına daha çox rast gəlinir.

Qaraciyər ağrısını necə aradan qaldırmaq olar?

Qaraciyər ağrısının necə müalicə ediləcəyi ağrıya səbəb olan faktordan asılıdır. Qaraciyər ağrınız qeyri-sağlam qidalanma və ya spirt istifadənizlə bağlı qısamüddətli problemlərin nəticəsidirsə, aşağıdakı addımlar qaraciyər ağrısını aradan qaldıra bilər.

Qaraciyər sağlamlığını dəstəkləmək üçün:

• Daha çox su için
• Mümkün olduqca spirtdən uzaq durun
• Yağlı qidalar qəbul etməkdən çəkinin
• Qaraciyərinizə təzyiqi azaltmaq üçün dik durun və dik oturun
• Gündəlik tövsiyə olunan protein miqdarını qəbul edin
• Xolesterol səviyyənizi mütəmadi olaraq izləyin
• İdman etmək üçün vaxt ayırın